Расейскі ўрад пастанавіў, што абмежаванне на перасячэнне дзяржаўнай мяжы краіны распачнецца з 18 сакавіка і працягнецца да 1 траўня, паведамляе прэсавая служба ўраду РФ.
Больш чым на месяц Расея абмяжоўвае ўезд у сваю краіну замежных грамадзянаў. Выключэнні будуць толькі для дыпламатаў, кіроўцаў аўтамабіляў і чыгуначнікаў. Пры гэтым Расея не забараняе транзіт праз паветраныя пункты пропуску. Абмежаванне распачнецца з 18 сакавіка і працягнецца да 1 траўня бягучага году.
Раней паведамленне пра закрыццё расейскай мяжы выклікала абурэнне Аляксандра Лукашэнкі.
Кіраўнік Беларусі падкрэсліў, што Беларусі варта было б баяцца, каб Расея не «завірусіла» яе, бо «у іх пажар». «Так нам трэба баяцца гэтай сітуацыі, вы чаго баіцеся Беларусі?», – дадаў ён.
У адказ урад Расеі раскрытыкаваў Аляксандра Лукашэнку.
СК belsat.eu