Расея абвясціла двух нямецкіх дыпламатаў персонамі нон грата. Каб паведаміць пра гэта амбасадара Нямеччыны ў Маскве выклікалі ў МЗС РФ.
«Ім прадпісваецца пакінуць тэрыторыю нашай краіны на працягу сямі содняў. Амбасадару ФРГ уручана нота адпаведнага зместу», – гаворыцца ў паведамленні МЗС Расеі.
Гэтае рашэнне прынятае ў адказ на рашэнне ўраду Нямеччыны ад 4 снежня аб абвяшчэнні персонамі нон грата двух працаўнікоў расейскай амбасады ў Берліне.
Нямеччына выслала расейскіх дыпламатаў у сувязі з забойствам у Берліне былога чачэнскага палявога камандзіра Зелімхана Хангошвілі. Нямецкія ўлады вінавацяць Маскву ў тым, што расейскі бок не дапамагае ў расследаванні гэтага злачынства. У МЗС РФ лічаць гэтыя абвінавачванні беспадстаўнымі.
Раней люстэркавы адказ на высылку расейскіх дыпламатаў анансаваў Уладзімір Пуцін.
ІІ belsat.eu
