Лідар гэтак званай «Данецкай народнай рэспублікі» Аляксандр Захарчанка
Расея прызнала сапраўднымі дакументы, што пацвярджаюць асобу, выданыя ўладамі ДНР і ЛНР.
Адпаведны ўказ падпісаў прэзідэнт Расейскай федэрацыі Уладзімір Пуцін.
Акрамя пашпартоў, прызнаюцца дакументы аб адукацыі, пасведчанні аб нараджэнні і смерці, заключэнні і скасаванні шлюбу, а таксама рэгістрацыйныя знакі аўтаў.
На падставе дакументаў, выдадзеных у «Данецкай народнай рэспубліцы» і ў «Луганскай народнай рэспубліцы», дазваляецца ўезд у Расею.
Ва ўказе адзначаецца, што пашпарты ДНР і ЛНР прызнаюцца часова – да ўрэгулявання канфлікту на Данбасе.
У паведамленні на сайце расейскага прэзідэнта гаворыцца, што рашэнне прынятае з мэтай «абароны правоў і свабодаў чалавека і грамадзяніна, кіруючыся агульнапрызнанымі прынцыпамі і нормамі міжнароднага гуманітарнага права».
Чытайце таксама:
- Belsat.eu высветліў, ці можна паступіць на юрфак БДУ з атэстатам «Данецкай народнай рэспублікі»
- «Нашая армія складалася з прыезджых». Рэпартаж з байцом за ЛНР з Беларусі
- Міліцыянт з Горадні раскрыў канал вербавання ў ДНР, а яго за гэта арыштавалі
НМ, belsat.eu
