«Рассельгаснагляд» пагражае разгледзець пытанне наўпроставых паставак падкаранцінных харчоў з трэціх краінаў праз пункты пропуску на расейскім участку вонкавай мяжы ЕАЭС. Фактычна гэта азначае забарону транзіту праз Беларусь садавіны, гародніны ды іншых прадуктаў, што трапляюць пад фітасанітарны кантроль з трэціх краінаў у Расею.
Як паведамляецца, звязана такое рашэнне са шматлікімі выпадкамі выяўлення «санкцыйнай» прадукцыі пры паступленні ў Расею з Беларусі ў суправаджэнні беларускіх фітасанітарных сертыфікатаў і непрыняццем Менскам дзейсных мер па недапушчэнні трапляння такога тавару ў РФ.
Для вырашэння сітуацыі 27 сакавіка Рассельгаснагляд правядзе нараду з кіраўніцтвам Галоўнай дзяржаўнай інспекцыі па насенняводству, каранціну і ахове раслін Беларусі. У ёй таксама прымуць удзел прадстаўнікі Мінсельгаса, Мінэканамразвіцця і ФМС РФ, а таксама Еўразійскай эканамічнай камісіі.
Забарона тэрмінам на ўвоз у Расею сельскагаспадарчай прадукцыі з ЗША і іншых заходніх краін была ўведзеная 7 жніўня 2014 года.
МГ belsat.eu
