У Беларусі надалей вядзецца рыхтаванне да параду 9 траўня. Але ад удзелу ў мерапрыемстве адмовіліся вайскоўцы з Расеі і Кітаю, паведамляе «Радыё Свабода».
Улады Беларусі не адмаўляюцца ад правядзення параду на Дзень перамогі. 30 красавіка галоўны арганізатар святкавання Дня працы праўладны прафсаюз адмовіўся ад традыцыйных шэсцяў і мітынгаў.
Вайскоўцы працягваюць рэпетыцыі параду. Чакаецца, што 5 і 6 траўня адбудуцца трэнаванні салдат на тэрыторыі вайсковай камендатуры ва Уруччы. Да 9 траўня адбудзецца таксама генеральная рэпетыцыя параду, але яе дату пакуль не вызначылі.
Планавалася, што 9 траўня ў парадзе разам з беларускімі вайскоўцамі пройдуць вайскоўцы з Расеі і Кітаю.
«Вайсковыя ведамствы Расеі і Кітаю паведамілі, што прынялі рашэнне не накіроўваць асабісты склад для ўдзелу ў вайсковым парадзе ў Менску 9 траўня», – распавяла Наталля Гаўрусік, прэсавы сакратар Мінабароны Беларусі.
СК belsat.eu