Беларускі Дзяржстандарт праверыў імпарцёраў фасаванага сланечнікавага алею, якія выпускаюць гэтую прадукцыю на рынак Беларусі. Выпрабаванні прайшлі 47 партый імпартнага алею шасці вытворцаў, паведамілі ў ведамстве.
Па выніках выпрабаванняў 38 (80%) партый не адпавядалі колькасці, задэклараванай у маркіроўцы прадукцыі. Больш за 30 мл было недаліта ў 22 партыі, звыш за 15 мл – у 11 партый.
Названае ў маркіроўцы значэнне колькасці прадукту пацвердзілі толькі 9 правераных партый сланечнікавага алею.
У сувязі з гэтым суб’ектам гаспадарання было выдадзена 25 забаронаў рэалізацыі партый, 3 прадпісанні аб устараненні парушэнняў, складзена 29 пратаколаў аб адміністрацыйных правапарушэннях.
Некаторыя імпарцёры адклікалі з раздробнай сеткі ці перамаркіравалі партыі алею з парушэннем намінальным колькасці, вытворцы правялі пераналадку абсталявання.
Інфармацыя аб выяўленых парушэннях у дачыненні да прадукцыі шасці вытворцаў (ААТ «Благо-Юг», ААТ «Аквилон», ААТ «ТД «Жемчужина Поволжья», ААТ «КПК», ААТ «ПК «НАШ ПРОДУКТ»», ААТ «Компания Благо») накіраваная для прыняцця мер у Росстандарт.
Каб не дапускаць недаліў, Дзяржстандарт прапануе імпарцёрам праводзіць уваходны кантроль. Таксама плануецца распрацаваць адзіны тэхнічны рэгламент ЕАЭС, які ўсталюе абавязковыя для выканання патрабаванні да фасаваных тавараў.
МГ belsat.eu
