Расейскія сілавікі раніцай 18 красавіка сарвалі працу маскоўскага офісу недзяржаўнага інфармацыйнага агенцтва «Росбалт». У памяшканне прыйшлі сем чалавек у цывільным, якія прадставіліся супрацоўнікамі Маскоўскага крымінальнага вышуку.
Па словах старшага групы, у рамках крымінальнай справы ім трэба агледзець адно з працоўных месцаў у офісе «Росбалту». Пра якую крымінальную справу ідзе гаворка, супрацоўнікам рэдакцыі пакуль не паведамілі, перадае rosbalt.ru.
Паведамляецца, што міліцыянты фактычна перакрылі свабодны доступ супрацоўнікаў у офіс. Пад пагрозай зрыву апынуліся дзве запланаваныя ў памяшканні прэс-канферэнцыі.
Інфармацыйнае агенцтва «Росбалт» была зарэгістраваная ў 2001 годзе. Галоўныя офісы знаходзяцца ў Маскве і Санкт-Пецярбургу, маюцца прадстаўніцтвы ў іншых рэгіёнах Расеі і краінах блізкага замежжа. Сайт «Росбалту» ёсць адным з найбуйнейшых інфармацыйных рэсурсаў Расеі і ўваходзіць у пяцёрку самых цытуемых рэсурсаў у мясцовым сегменце інтэрнэту.
МГ belsat.eu
