Расейскія баксёры не паедуць на Алімпіяду без расейскага сцяга


Зборная Расеі па боксе праігнаруе летнія Алімпійскія гульні 2020 года ў Токіа. Спартоўцы адмаўляюцца выступаць на спаборніцтвах праз забарону на расейскі сцяг і гімн, накладзеную выканаўчым камітэтам Сусветнага антыдопінгавага агенцтва (WADA), паведамляе interfax.

«Так, нашыя баксёры прынялі рашэнне не ехаць на гульні, я не магу іх не падтрымаць у такой сітуацыі», – сказаў генеральны сакратар Федэрацыі боксу Расеі Умар Крамлёў.

9 снежня выканкам WADA падчас паседжання ў Лазане (Швейцарыя), прыняў рэкамендацыю камітэту адносна адпаведнасці арганізацыі пазбавіць РФ на чатыры гады права ўдзельнічаць у буйных спартовых міжнародных мерапрыемствах, у тым ліку ў Алімпійскіх гульнях і чэмпіянатах свету.

Расейскія спартоўцы ў выніку не змогуць выступіць пад сваім сцягам падчас летняй Алімпіяды ў Токіа ў 2020 годзе, а таксама на Чэмпіянаце свету па футболе ў Катары 2022 годзе

WADA забараніла Расеі 4 гады ўдзельнічаць у Алімпіядах

 

СК belsat.eu

Глядзі таксама
Каментары