[vc_row][vc_column][vc_video link=”https://www.youtube.com/watch?v=tKNAJ3UP_A4″][vc_column_text]На афіцыйным Youtube-канале расейскага музыкі Стаса Барэцкага з’явілася відэа, на якім ён спальвае свой BMW дзеля «падтрымання айчыннага вытворцы».
На відэароліку музыка спачатку аблівае свой аўтамабіль са словамі: «Я супраць усяго заходняга!». Пасля з крыкам «За расейскі аўтарынак!» ён падпаліў еўра-купюру, якую затым кінуў у аўтамабіль, падае tvrain.ru.
«Я пазбавіўся заходняй машыны. Я за расейскі тавар, таму зрабіў усё паводле сваіх перакананняў, пра што ніколькі не шкадую», – сказаў расеец на камеру.
У канцы відэа ён зубамі разадраў пляшку піва, затым сеў у «шасцёрку» і з’ехаў. Гэтую расейскую мадэль знялі з вытворчасці яшчэ ў 2005 годзе.
Хваля славы прыйшла да Стаса Барэцкага, калі ён пачаў змагацца з забароненымі да ўвозу ў Расею імпартнымі прадуктамі. Музыка знішчаў на публіку ёмістасці з імпартным півам, тэхніку «Apple», ірваў на шматкі майткі імпартнай вытворчасці.
МЯ, паводле tvrain.ru[vc_row][vc_column][/vc_column][/vc_row]