На журналіста Ілью Азара склалі пратакол пра паўторнае парушэнне правілаў правядзення мітынгаў (частка 8 артыкула 20.2 КоАП) з-за акцыі 31 жніўня. Пра гэта «МБХ медиа» распавёў яго адвакат Міхаіл Бірукоў.
«На яго склалі пратакол паводле часткі 8 артыкулу 20.2 КоАП. Сёння ў дзве гадзіны дня адбудзецца суд па меры стрымання», – сказаў Бірукоў.
Пакаранне паводле часткі 8 артыкулу 20.2 КаАП прадугледжвае арышт на 30 дзён, або штраф да 300 тысяч рублёў (4500 долараў ЗША).
Іллю Азара затрымалі ў Маскве напярэдадні вечарам у яго доме. Затрыманню не перашкодзіла нават тое, што ў кватэры засталася адной двухгадовая дачка журналіста.
«Паклаў дзіцяці спаць, выйшаў папаліць на балкон, як наведаліся тры паліцыянты і заявілі, што я затрыманы. Проста ў хатняй вопратцы павялі ў машыну. Тое, што дома засталося адно дзіця, якому няма і двух гадоў, іх не хвалюе», – паведамляў Азар.
Жонка журналіста выказала сваё абурэнне дзеяннямі сілавікоў.
«Я прыехала дадому і знайшла кватэру адчыненай, а дзіця спала ў ложку. Гэта даволі страшна», – напісала Кацярына Кузняцова, жонка Іллі Азара, у сваім Фэйсбуку.
Адвакат журналіста Таццяна Малаканава з гэтай нагоды звярнулася ў пракуратуру Масквы з патрабаваннем правесці правяранне дзеянняў паліцэйскіх, якія пакінулі двухгадовую дачку Азара адной у кватэры пасля затрымання яе бацькі.
Ноччу журналіста адпусцілі.
Праваабаронцы заяўляюць, што ўначы таксама зітрымалі Любоў Собаль і Мікалай Ляскіна. Пасля складання пратаколаў іх таксама адпусцілі.
Праваахоўнікі Масквы завялі адміністрацыйную справу паводле артыкулу аб парушэнні парадку арганізацыі акцыі (20.2 КаАП) за мітынг, які адбыўся ў Расейскай сталіцы 31 жніўня. Пры гэтым не ўдакладняецца, супраць каго заведзена справа.
Падчас шэсця ў Маскве 31 жніўня, акцыя прайшла спакойна, затрыманняў не было. На шэсце супраць палітычнага пераследу выйшлі каля 4 тысячаў чалавек.
СК belsat.eu