Пуцін: Расея гатовая абараняць вернікаў ва Украіне


Уладзімір Пуцін. Фота - kremlin.ru

Прэзідэнт РФ Уладзімір Пуцін заявіў, што Расея пакідае за сабой права рэагаваць у выпадку пагрозы парушэння права на свабоду веравызнання ў суседніх краінах. Пра гэта ён сказаў на мерапрыемстве з нагоды дзесяцігоддзя інтранізацыі кіраўніка РПЦ Кірыла, перадае nv.ua са спасылкай на «Інтэрфакс-Украіна».

Пуцін заявіў аб нібыта ўмяшанні ўкраінскай улады ў царкоўныя справы і дадаў, што на тэрыторыі РФ такія дзеянні з’яўляюцца «абсалютна недапушчальнымі».

«Спекуляцыі, палітыканства, паразітаванне на пытаннях рэлігійнага жыцця вядуць да разʼяднання людзей, правакуюць злобу і нецярпімасць. Менавіта такі праект, які не мае дачынення да веры, а наскрозь фальшывы, завязаны на барацьбу за ўладу, рэалізуецца сёння ва Украіне», – сказаў Пуцін.

Нагадаем, 15 снежня ў Кіеве прайшоў Абʼяднальны сабор, на якім была створана Праваслаўная царква Украіны. Яе ўзначаліў мітрапаліт Епіфаній. 5 студзеня Сусветны патрыярх падпісаў Томас Праваслаўнай царквы Украіны. РПЦ і УПЦ Маскоўскага патрыярхату не прызнаюць вынікаў абʼяднальных сабора.

Апублікаваны тэкст Томаса пра аўтакефалію Праваслаўнай царквы Украіны

20 снежня Вярхоўная Рада прыняла закон, які абавязвае Украінскую праваслаўную царкву Маскоўскага патрыярхату (УПЦ МП) у сваім назове ўказаць прыналежнасць да Рускай праваслаўнай царквы (РПЦ). Пасля стварэння ПЦУ у новую царкву пачалі паступова пераходзіць асобныя прыходы Маскоўскага патрыярхату.

КА, belsat.eu

Глядзі таксама
Каментары