26 сакавіка адбылася тэлефонная размова кіраўніка Расеі Уладзіміра Пуціна з яго беларускім калегам Аляксандрам Лукашэнкам.
Як распавялі ў Крамлі, бакі разгледзелі актуальныя пытанні міждзяржаўных адносінаў з акцэнтам на развіццё супрацы ў рамках Саюзнай дзяржавы, а таксама закранулі тэмы інтэграцыйных працэсаў у фармаце Еўразійскага эканамічнага саюзу.
У Адміністрацыі Аляксандра Лукашэнкі ўдакладнілі, што тэлефонная размова адбылася па ініцыятыве расейскага боку.
Адзначаецца, што апроч узгаданага, кіраўнікі дзяржаваў таксама закранулі некаторыя тэмы міжнароднага парадку дня.
Таксама Лукашэнка і Пуцін абмеркавалі графік будучых кантактаў – у Нур-султане і Пекіне ў рамках міжнародных форумаў.
Нагадаем, што Ганна Канапацкая прапанавала развязаць пытанне з Саюзнаю дзяржаваю праз рэферэндум. Пра непатрэбнасць Саюзнай дзяржавы брацкім народам Беларусі і Расеі дэпутатка напісала ў «Facebook’у».
МГ belsat.eu
