Пуцін: нарошчванне партнёрскіх сувязяў адпавядае інтарэсам братніх народаў РФ і РБ


Прэзідэнт Расеі Уладзімір Пуцін накіраваў віншавальную тэлеграму ўдзельнікам урачыстых сходаў з нагоды Дня яднання народаў Расеі і Беларусі. У тэлеграме, апублікаванай на сайце Крамля, расейскі кіраўнік адзначыў, што далейшае нарошчванне партнёрскіх расейска-беларускіх сувязяў адпавядае інтарэсам братніх народаў.

«Далейшае нарошчванне саюзніцкіх, партнёрскіх сувязяў, удасканаленне механізмаў узаемавыгаднай інтэграцыі адпавядаюць інтарэсам нашых брацкіх народаў, ідуць у рэчышчы ўмацавання стабільнасці і бяспекі на еўразійскай прасторы», – гаворыцца ў паведамленні.

Пуцін падкрэсліў, што за 20 гадоў з дня падпісання дамовы аб стварэнні саюзнай дзяржавы «многае ўдалося зрабіць ва ўсіх сферах двухбаковага ўзаемадзеяння».

«Высокага ўзроўню дасягнула гандлёва-эканамічнае, навукова-тэхнічная і гуманітарная супрацоўніца. Наладжана эфектыўная каардынацыя намаганняў у галіне вонкавай палітыкі, абароны і бяспекі, канструктыўны і змястоўны дыялог па парламенцкай лініі», – выказаў упэўненасць прэзідэнт Расеі.

Па словах Пуціна, таксама пашыраюцца шматпланавыя кантакты паміж рэгіёнамі, а таксама паміж дзелавымі і грамадскімі коламі Расеі і Беларусі. Разам з тым, падкрэсліў кіраўнік дзяржавы, працягваецца планамерная праца па збліжэнні нацыянальных заканадаўстваў, па забеспячэнню роўных правоў грамадзянаў абедзвюх краінаў.

СК belsat.eu

Глядзі таксама
Каментары