Частка частка расейскай дэлегацыі не прыехала ў Сочы на перамовы кіраўнікоў Беларусі і Расеі, бо самалёт з не змог прызямліцца на мясцовым аэрадроме праз складаныя ўмовы надвор’я. Лятак адправілі ў аэрапорт Мінеральныя Воды.
Пасля кароткіх перамоваў Аляксандр Лукашэнка і Уладзімір Пуцін паедуць гуляць у хакей у спарткомплекс «Галактика».
«У гэты час далятае расейская дэлегацыя (калі надворʼе дазволіць, вядома), і – увага – перамовы працягваюцца. Зрэшты, сёння ўсё імкліва змяняецца, таму працягваем чакаць навінаў», – паведамляе Telegram-канал «Пул первого».
У першай частцы перамоваў акрамя Лукашэнкі і Пуціна ўдзельнічалі 7 чалавек. З расейскага боку былі: намеснік Кіраўніка Адміністрацыі Прэзідэнта РФ Дзмітрый Козак, гендырэктар «Росатом» Аляксей Ліхачоў і амбасадар Расеі ў Беларусі Дзмітрый Мезенцаў.
З беларускага боку прысутнічалі: першы віцэ-прэмʼер Дзмітрый Круты, амбасадар Беларусі ў Расеі Уладзімір Сямашка, міністр энергетыкі Віктар Каранкевіч і старшыня «Белнафтахім» Андрэй Рыбакоў.
ЮВ belsat.eu