«Каб цалкам адмовіцца ад прызыву спатрэбіцца час і грошы», – заявіў кіраўнік Расеі падчас сустрэчы з працаўнікамі навукова-вытворчага аб’яднання «Энергомаш», піша rbc.ru.
«Мы ідзем у напрамку стварэння прафесійнага войска. У звязку з ускладненнем вайсковай тэхнікі кіраваць ёй могуць толькі прафесіяналы», – заявіў расейскі прэзідэнт.
«Прызыў паступова сыходзіць у мінулае. Праўда, для гэтага патрэбны час і адпаведнае фінансаванне», – дадаў Пуцін.
Расейскае заканадаўства прадугледжвае прызыў у войска мужчын ад 18 да 27 гадоў. Тэрмін службы – адзін год. Падставаю адтэрміноўкі ад прызыву можа быць статус студэнта вочнага аддзяленні ВНУ або наяўнасць двух дзяцей.
Сёлета прадстаўнік Генштабу Расеі генерал-лейтэнант Яўген Бурдзінскі заявіў пра «немэтазгоднасць» поўнай адмовы ад прызыву праз абмежаваныя фінансавыя магчымасці краіны.
ЮВ belsat.eu