Уладзімір Пуцін не будзе накіроўваць віншаванне ці тэлефанаваць Уладзіміру Зяленскаму пасля яго інаўгурацыі 20 траўня на пасадзе прэзідэнта Украіны, паведамляе Meduza.
«Прэзідэнт Пуцін будзе віншаваць прэзідэнта Зяленскага з першымі поспехамі ў справе ўрэгулявання канфлікту на паўднёвым усходзе Украіны, а таксама з першымі поспехамі ў справе нармалізацыі расейска-украінскіх стасункаў», – заявіў прэс-сакратар прэзідэнта Дзмітрый Пяскоў.
Прычым калі гэта адбудзецца, прадстаўнік Крамля адмовіўся канкрэтызаваць.
«Я не павінен гэта раскрываць. Першыя поспехі будуць відавочныя, калі яны будуць, мы з вамі іх убачым няўзброеным вокам», – удакладніў Пяскоў.
Раней Крэмль ужо адмаўляўся віншаваць Зяленскага з перамогай на выбарах пасля афіцыйнага абвяшчэння вынікаў галасавання.
СК belsat.eu