Уладзімір Макараў, які адказвае за інфармацыю ў галоўным упраўленні ідэалагічнай працы Мінабароны, заявіў, што змены ў заканадаўстве дазволяць павялічыць прызыў у войска на 3000 чалавек. Пра гэта піша БелТА.
«Тыя меры, якія прынятыя, дадуць магчымасць з наступнага года падчас прызыву павялічыць колькасць прызваных на 3000 чалавек, і мы нават не дасягнем узроўню ў 10 тыс. Тым не менш гэтыя меры дазволяць выконваць задачы мірнага часу. Адначасова гэта дазволіць нам падтрымліваць неабходны ўзровень вайскованавучанага рэзерву», – падкрэсліў Макараў.
Прадстаўнік Мінабароны адзначыў: вельмі важна, каб у краіне было дастаткова грамадзянаў, якія прайшлі вайсковую службу.
«Армія ў 50 тысяч або нават 80 тысяч чалавек не зможа абараніць такую краіну, як Беларусь. Каб абараніць дзяржава ў выпадку рэальнай ваеннай пагрозы, Узброеныя Сілы спатрэбіцца павялічыць у некалькі разоў. Афіцыйна была абвешчаная лічба ў 2018 годзе – аж да паўмільёна, уключаючы тэрытарыяльную абарону. Для гэтага неабходна мець навучаны рэзерв. Дык вось гэты рэзерв, які за апошнюю чвэрць стагоддзя ў нас падрыхтаваны, складае каля паўмільёна чалавек, нават крыху больш. Яго хопіць гадоў на дзесяць наперад, і важна, каб з 2030 года ў нас гэтая колькасць не паменшылася», – сказаў Макараў.
Нагадаем, 24 ліпеня Аляксандр Лукашэнка падпісаў закон «Аб змяненні законаў па пытаннях эфектыўнага функцыянавання вайсковай арганізацыі дзяржавы». Змены ў заканадаўства прадугледжваюць скарачэнне падставаў для надання адтэрміновак ад прызыву. Напрыклад, уведзены прынцып аднаразовасці адтэрміноўкі падчас атрымання адукацыі.
ІІ belsat.eu
