Брытанскі прынц Гары пакіне ў чэрвені 2015 года службу ў арміі. Унук каралевы Вялікабрытаніі Елізабэты II, пілот верталёту каралеўскіх ВПС пацвердзіў шматлікія чуткі вакол сваёй асобы.
Гары зрабіў гэта афіцыйна ў сваёй адкрытай заяве, выдадзенай у прэс-рэлізе Кенсінгтанскага палацу ў панядзелак, паведамляе USA TODAY.
«Я ўдзячны за гэты досвед, які застанецца са мной да скону жыцця» – дадаў унук каралевы Вялікабрытаніі Елізабэты II.
Служба каралеўскай высокапастаўленай асобы адзначалася адсутнасцю гучных скандалаў з часоў публічнага з’яўлення ў форме Вермахта са свастыкай.
Вядома, што малодшы сын прынца Ўэльскага Чарльза і яго памерлай жонкі прынцэсы Дыяны зрабіў два туры ў Афганістан, пасля сканчэння Каралеўскай ваеннай акадэміі. Пасля службы экс-жаўнер каралеўскага войска плануе заняцца праблемамі брытанскіх параненых вайскоўцаў.
За прынцам Гары было аб’яўлена паляванне тэрарыстычным рухам Талібан. Аднак, хутчэй за ўсё, Гары ўжо не паспее прыняць удзел у міжнароднай кааліцыі супраць «Ісламскай Дзяржавы».
ГВ, belsat.eu
