«Пры мне такой х.. не было»: у Берасці ездзіць рэйсавы аўтобус з налепкай Сталіна
Жыхар Берасця Яўген Скрабутан сфатаграфаваў 10 траўня берасцейскі рэйсавы аўтобус шостага маршрута. Ззаду на транспартным сродку быў партрэт Сталіна і надпіс «Пры мне такой х.. не было».
«У нашым грамадстве сёння гэта, на жаль, норма. І дайшло да яе дзякуючы найперш школьнай адукацыі і дзяржаўнай прапагандзе. І замест таго, каб ганарыцца і шанаваць уласных герояў, беларусы ў супрацьвагу Лукашызму ставяць, падумаць толькі, абсалютна адмоўных і варожых для нашай нацыі персанажаў. Большага абсурду і прыдумаць цяжка – вось такія вынікі дзяржаўнай палітыкі», – распавёў Яўген Скрабутан «Белсату».
Мы патэлефанавалі ў Берасцейскі аўтобусны парк, але намеснік дырэктара па ідэалагічнай і кадрава – прававой працы Ігар Парфенюк адмовіўся ад каментара.
АС belsat.eu
