Дональд Трамп падпісаў закон пра федэральны бюджэт ЗША – HR 133, які ўключае падпісанне «Акта аб дэмакратыі, правах чалавека і суверэнітэце Беларусі». Паводле яго пашыраюцца паўнамоцтвы прэзідэнта ЗША да ўвядзення новых санкцыяў у сувязі з прэзідэнцкімі выбарамі 2020 года Беларусі.
Пра гэта ў сваім twitter напісаў намеснік прэс-сакратара Белага дому Джад Дыр:
Раней, 21 снежня, Акт зацвердзіў Сенат ЗША.
Hавiны
Сенат ЗША ўхваліў Акт аб дэмакратыі ў Беларусі
2020.12.22 11:22
Прыняты «Акт аб дэмакратыі для Беларусі» змяшчае наступныя палажэнні:
- заклікае правесці новыя прэзідэнцкія і парламенцкія выбары ў свабоднай і справядлівай форме ў адпаведнасці са стандартамі АБСЕ;
- прызнае Каардынацыйную раду законным інстытутам для ўдзелу ў дыялогу аб мірнай перадачы ўлады і не прызнае Аляксандра Лукашэнку «законна абраным лідарам Беларусі»;
- заклікае вызваліць усіх палітычных зняволеных без усялякіх папярэдніх умоў;
- дазваляе дапамогу ў прасоўванні дэмакратыі і развіцці грамадзянскай супольнасці ў Беларусі;
- заяўляе, што ЗША не прызнаюць уключэння Беларусі ў Саюзную дзяржаву з Расеяй;
- падтрымлівае імкненне народа Беларусі да свабоды веравызнання;
- патрабуе ад Злучаных Штатаў стратэгіі па прасоўванні вяшчання, свабоды інтэрнэту і доступу да інфармацыі;
- аказвае падтрымку беларускім СМІ і прадстаўнікам IT-сектара.
АД / belsat.eu