Новаабраны кіраўнік Кубы Мігель Дыяс-Канэль Бэрмудэс на наступным тыдні наведае Беларусь. Пра гэта паведамляе Міністэрства замежных справаў лацінаамерыканскай краіны.
У кубінскім МЗС адзначылі, што Дыяс-Канэль наведае з афіцыйнымі візітамі Ірландыю, Беларусь і Расею, а таксама возьме ўдзел у пасяджэнні Руху недалучэння, якое пройдзе 25-26 кастрычніка ў Баку (Азербайджан).
Турнэ пачынаецца 20 кастрычніка.
Паведамляецца, што прэзідэнт Кубы правядзе афіцыйныя сустрэчы са сваймі замежнымі калегамі і возьме ўдзел у розных падзеях.
МГ belsat.eu