Прэсавы сакратар БПЦ Сяргей Лепін звольніўся пасля крытыкі Лукашэнкі

Сяргей Лепін. Фота: svaboda.org

Прэсавы сакратар БПЦ Сяргей Лепін падаў прашэнне аб звальненні з пасады па ўласным жаданні. Кіраваць інфармацыйным аддзелам Беларускай праваслаўнай царквы будзе Юрый Сакалоў, піша афіцыйны сайт Беларускай Праваслаўнай Царквы.

27 лістапада мітрапаліт Менскі і Заслаўскі Веньямін прызначыў выконваючым абавязкі старшыні Сінадальнага інфармацыйнага аддзелу Беларускай Праваслаўнай Царквы Юрыя Сакалова.

Патрыяршы Экзарх задаволіў прашэнне протаіерэя Сергія Лепіна аб звальненні па ўласным жаданні і выказаў яму падзяку за шматгадовую працу на пасадзе кіраўніка інфармацыйнага аддзелу БПЦ.

Плошча Пераменаў. Менск, Беларусь. 15 лістапада 2020 году. Фота: ТК / Белсат

Сяргей Лепін пазбавіўся пасады пасля таго, як публічна абурыўся дзеянням беларускіх сілавікоў, якія зруйнавалі народны мемарыял памяці Раману Бандарэнку на плошчы Пераменаў у сталіцы.

18 лістапада словы Лепіна працытаваў на нарадзе па актуальных пытаннях вонкавай палітыкі Аляксандр Лукашэнка і даручыў кіраўніку сваёй адміністрацыі і генеральнаму пракурору разабрацца.

Hавiны