У выніку выбухаў у арсенале пад Ачынскам Краснаярскага краю ёсць пацярпелыя. Пра гэта паведамляе «Интерфакс». Сярод параненых – вайскоўцы і супрацоўнікі праваахоўных органаў.
Паводле словаў крыніцы агенцтва, снарад выбухнуў на чыгуначным палатне пры наездзе спеццягніку. Састаў і чыгуначныя шляхі атрымалі пашкоджанні.
ТАСС паведамляе пра 10 пацярпелых асобаў, якія былі дастаўлены ў мясцовы шпіталь з траўмамі ад аскепкаў, 4 з іх шпіталізавалі.
Улады Ачынскага раёну Краснаярскага краю абвясцілі рэжым надзвычайнай сітуацыі рэгіянальнага ўзроўню.
Выбухі адбыліся ў пасёлку Каменка пад Ачынскам, дзе ў панядзелак 5 жніўня адбыўся пажар у сховішчы парахавых зарадаў да артылерыйскіх боепрыпасаў. Тады 1 чалавек загінуў і 13 спатрэбілася медычная дапамога.
Цяпер жыхароў Каменкі вырашылі эвакуяваць на бяспечную адлегласць ад арсеналу.
КА belsat.eu