Незвычайна цёплае надвор’е прымусіла распусціцца некаторыя кветкі ў сталічным Батанічным садзе.
Гэтак, цяпер там можна пабачыць пялёсткі некаторых гатункаў рададэндрону і фіялак.
Фіялкавыя звычайна распускаюцца напрыканцы вясны, калі зямля дастаткова прагрэецца. Сёлетні снежань у Менску цяплейшы на 8-14 градусаў, чымся звычайна.
Праз анамальную цеплыню кветкі квітнеюць таксама ў нашых усходніх суседзяў. Біёлагі кажуць, што калі ўдараць маразы, кветкі загінуць і веснавога квітнення ўжо не будзе.
У пятніцу ў Беларусі да чатырох градусаў цяпла. На выходных, аднак, чакаюцца мараз: нават да мінус 11.
ДД belsat.eu