Вядоўца тэлеканалу ОНТ Дзмітрый Кахно паведаміў у Instagram, што яго знялі з эфіру пасля публікацыі паведамлення з падтрыманнем крамы Symbal.by.
«Мне стала вядома, што на канале ОНТ прынятае рашэнне «абнавіць» вядоўцаў шоу «Удача ў прыдачу». Гэта значыць, што 14 ліпеня я не выйду ў наўпроставы эфір у вячэрні прайм-тайм, як рабіў гэта каля 140 разоў, пачынаючы з першага выпуску ў 2016 годзе. Ці звязана гэта з маім пастом пра затрымання ў крамы Symbal.by, я не ведаю. Але як кажа адзін вядомы тэлежурналіст: «У нас на канале вы робіце высновы самі»», – адзначыў журналіст.
Пры гэтым ён падзякаваў сетцы «Еўраопт» і калегам за тое, што даверылі яму «весці самую шчодрую, пазітыўную і добрую праграму».
23 чэрвеня Дзмітрый Кахно пракаментаваў у сваім Instagram затрыманні каля крамы symbal.by. Паводле Кахно, пасля гэтых падзеяў жонка плача, а яго самога «раздзірае» ад абурэння.
«Я ўбачыў, як чаргу ў краму symbal.by хапаюць байцы АМАПа і запіхваюць у аўтазак. Я жыву за два кварталы ад гэтага месца. На гэтым відэа ад вас, міліцыя, уцякае сівая бабулька. Вы што?! Вы павінны абараняць людзей, забяспечваць іх бяспеку. У гэтай чарзе няма злачынцаў. Што вы робіце? Мне брыдка і агідна бачыць тое, што адбываецца. Калі б мы гулялі там з сынам, нас бы таксама схапілі гэтыя людзі? Нас бы таксама запіхнулі ў аўтазак? За намі беглі б гэтыя страшныя людзі ў чорным?» – напісаў вядоўца.
МГ belsat.eu
