Тры энергаблокі Калінінскай атамнай электрастанцыі, якая знаходзіцца ў Цвярской вобласці ў Расеі, былі абясточаныя, паведамляе ria.ru.
«Радыяцыйны фон у парадку. Пашкоджанняў абсталявання няма», – заявілі прадстаўнікі АЭС.
Спыненне першага і другога энергаблокаў адбылося з-за кароткага замыкання трансфарматараў высакавольтных лініяў электраперадач.
«Як следства, адключаныя ад сеткі першы, другі і чацвёрты энергаблокі Калінінскай АЭС», – патлумачыў прадстаўнік Расэнергаатама.
Наступстваў для спажыўцоў праз адключэнне энергаблокаў няма, дадалі ў ведамстве.
Калініская АЭС была ўведзеная ў эксплуатацыю ў 1984 годзе.
ЮВ belsat.eu