Масавыя мерапрыемствы ў Берасцейскай крэпасці 22 чэрвеня сёлета не адбудуцца. Праз каронавірус улады гораду адмянілі гістарычную рэканструкцыя падзеяў 22 чэрвеня 1941 года, паведамляе «Интерфакс».
Раней улады Берасця адмянілі масавыя мерапрыемствы 9 траўня. Цяпер праз пагрозу каронавірусу адмянілі і імпрэзы з нагоды Дня памяці ахвяраў Вялікай Айчыннай вайны.
«Мерапрыемствы ў Берасцейскай крэпасці, якія ўключаюць маштабную рэканструкцыю падзеяў 22 чэрвеня 1941 году і мітынг-рэквіем, прадугледжваюць удзел вялікай колькасці людзей, у тым і гасцей з іншых краінаў. З улікам эпідэміялагічнаq абстаноўкі сёлета масавыя мерапрыемствы ладзіцца не будуць», – распавёў старшыня Берасцейскага гарвыканкаму Аляксандр Рагачук.
Пры гэтым улады гораду падкрэслілі, што ніякіх забаронаў на індывідуальнае наведванне крэпасці няма.
З улікам эпідэміялагічнай сітуацыі ўлады Полацку і Наваполацкe адмянілі традыцыйнае святкаванне Дня гораду.
СК belsat.eu