Інфекцыйны шпіталь у Менску цяпер працуе ў асаблівым рэжыме. Кожны дзень вызначаюцца новыя рэкамендацыі, пераразмяркоўваецца плынь пацыентаў, піша «Минск-Новости».
Намеснік галоўнага лекара па медычнай частцы Менскай гарадской клінічнай інфекцыйнай больніцы Святаслаў Вельгін распавёў, што сёння «інфекцыйка» працуе ў асаблівым рэжыме.
«Нашая клініка цяпер пераарыентаваная. Мы працуем, фактычна, толькі на СOVID-19. Медустанова разлічаная на 200 месцаў і ўжо амаль запоўненая», – распавёў Святаслаў Вельгін.
Пры гэтым у шпіталі адмыслова створаная сістэма, пры якой пацыенты мінімальна кантактуюць з медпрацаўнікамі. Палаты ў адным з карпусоў падлучаныя да кіслароду, таму там могуць аказваць дапамогу нават пацыентам з цяжкай формай запалення лёгкіх.
У шпіталі таксама з’явіліся новыя тэст-сістэмы, якія даюць вынікі нават у дзень узяцця аналізаў.
СК belsat.eu
