Міністэрства абароны Беларусі паведаміла, што ў бліжэйшыя дні па дарогах краіны будзе рухацца вайсковая тэхніка.
Паводле Мінабароны, 31 студзеня ды 1 лютага на дарогах Магілёўшчыны, Меншчыны, Берасцейшчыны ды Гарадзеншчыны пройдуць калоны вайсковай і адмысловай тэхнікі да месцаў выканання навучальна-баявых задач у рамках праверкі баявой гатовасці.
Кіроўцам рэкамендуюць павысіць пільнасць і выконваць правілы дарожнага руху.
Правяранне баявой гатовасці пачалася 30 студзеня пад кіраўніцтвам начальніка Генеральнага штаба.
Галоўная яго мэта – вызначыць здольнасць вайсковага кіравання ды камандзіраў кіраваць падначаленымі, а таксама гатовасць вайсковых частак і падраздзяленняў Узброеных Сілаў выконваць свае задачы ва ўмовах абстаноўкі, якая хутка змяняецца.
Войскам трэба будзе пераадольваць водныя перашкоды, адпрацоўваць задачы ўдзень і ноччу як у лясах, гэтак і ў населеных пунктах.
МГ belsat.eu