Пратэсты ў Маскве: Юлія Галяміна асуджана на 10 содняў, Яшын – атрымаў агулам 20 дзён арышту


За заклікі выйсці на акцыю 27 ліпеня ў «Фэйсбуку» Юлія Галяміна, муніцыпальны дэпутат, кандыдат у Масгардуму і выкладчык МДУ, атрымала 10 содняў адміністрацыйнага арышту, паведамляе Бі-Бі-Сі.

Гэта першы выпадак, калі жанчына асуджаная да адміністрацыйнага пазбаўлення волі за акцыі супраць нядопуску незалежных кандыдатаў на выбары ў Масгардуму.

Суддзя больш за дзве гадзіны разважала ў дарадчым пакоі над пакараннем для Галямінай.

 

Суд па справе экс-дэпутата Дзярждумы апазіцыянера Дзмітрыя Гудкова таксама зацягнуўся. Разгляд справы пачаўся а 10 раніцы.

Яшчэ адзін незалежны кандыдат у Масгардуму і адзін з лідараў пратэсту супраць нядопуску апазіцыянераў на выбары Ілля Яшын рашэннем суда ў Троіцку атрымаў 10 сутак адміністрацыйнага арышту. Раней суд прысудзіў яму 10 сутак арышту, такім чынам палітык будзе ў зняволенні 20 дзён.

У выніку масавых пратэстаў у Маскве, паліцыя затрымала больш за 1300 асобаў.

Лідары апазіцыі асуджаныя да адміністрацыйнага арышту. Акрамя таго, Следчы камітэт распачаў крымінальную справу, паводле перашкоды пратэстоўцамі працы Масгарвыбаркаму.

ВІДЭА
Галоўнае пасля пратэстаў у Маскве. Прамое ўключэнне «Белсату»
2019.07.29 19:56

 

СК belsat.eu

Стужка навінаў