Незарэгістраваныя кандыдаты ў дэпутаты Маскоўскай гарадской думы, а таксама палітык Аляксей Навальны заклікалі неабыякавых масквічоў прыйсці да будынку мэрыі на пратэст у сувязі з масавым нядопускам незалежных кандыдатаў на выбары. Улады ўжо заявілі пра незаконнасць акцыі.
Мітынг разагналі. Больш інфармацыі ТУТ >>>
13:30
На Цвярской, паводле блогера Іллі Варламава, пачалі затрымліваць журналістаў.
13:10
На Цвярской вуліцы затрымалі ўжо 21 чалавека, падае «МБХ Медиа».
Таксама стала вядома пра затрыманні незарэгістраваных кандыдатаў Дзмітрыя Гудкова і Юлію Галяміну.
13:01
Радыёвядоўца Васіль Стрэльнікаў распавёў ў «Інстаграме», што ў цэнтры Масквы не прадаюць напоі ў шкляных бутэльках.
За дзве гадзіны да акцыі каля мэрыі паліцыянты ўжо затрымалі шасцярых чалавек. Вядома, што адзін з затрыманых, Дзмітрый Качаргін, прыехаў з Сочы, падае «ОВД-инфо». Качаргін катаўся на скейтбордзе каля мэрыі і фатаграфаваў аўтазакі, пасля гэтага яго без тлумачэння прычынаў затрымалі. Усіх шасцярых збіраюцца везці ў адзін з аддзелаў паліцыі, аднак невядома які.
Пра сваё затрыманне раніцай паведаміў дырэктар Фонду барацьбы з карупцыяй, незалежны кандыдат на выбарах у Масгардуму Іван Жданаў.
ДД belsat.eu