Пракуратура Менску адказала на заяву Міжнароднага камітэту па расследаванню катаванняў у справе ўмоваў утрымання Вольгі Хіжынковай, піша «Прававая ініцыятыва».
Міжнародны камітэт па расследаванню катаванняў у Беларусі і беларускія праваабаронцы падалі заяву ў пракуратуру Менску з патрабаваннем правесці пракурорскую праверку па фактах катаванняў у дачыненні да Вольгі Хіжынковай і прыцягнуць вінаватых да адказнасці.
Начальнік аддзелу па наглядзе за выкананнем заканадаўства і законнасцю прававых актаў менскай пракуратуры Дзяніс Шапавалаў спаслаўся на адсутнасць дакументаў, якія пацвярджаюць паўнамоцтвы праваабаронцаў на прадстаўленне інтарэсаў Вольгі Хіжынковай.
«Міс Беларусь-2008», былая прэс-сакратарка берасцейскага футбольнага клубу «Дынама» Вольга Хіжынкова выйшла на волю 20 снежня пасля 42 содняў арышту.
АА belsat.eu