«У старажытнагрэцкай міфалогіі ў гідры, калі ёй адсякалі адну галаву, на яе месцы вырастала тры. На маю думку, гэтая метафара пасуе найбольш для тлумачэння таго, што будзе адбывацца далей». Ініцыятар дэкрэту № 8 аб развіцці лічбавай эканомікі падае 5 прычынаў, чаму блакаванне сайтаў невыгоднае дзяржаве.
Досвед блакавання сайтаў у дзяржаўных установах паказвае, што блакаваныя сайты карыстаюцца ў чыноўнікаў вялікай папулярнасцю: проста доступ да іх адбываецца не з працоўных камп’ютараў, а з мабільных тэлефонаў.
Каб абыйсці блакаванне, піша Віктар Пракапеня, трэба паставіць іншую праграму для доступу ў інтэрнэт, напрыклад, Tor ці Opera. Нават пенсіянер дае рады гэтаму менш чым за 5 хвілін. Няма сэнсу ў тым, каб секчы галовы гідры ці тушыць пажар бензінам. Заблакаваны сайт, павялічыўшы свой трафік за кошт такой рэкламы, хутчэй за ўсё яшчэ больш радыкалізуецца, гэтак жа як радыкалізуецца яго аўдыторыя.
У якасці доказу Пракапеня спасылаецца на Google trends:
«Хаця гэта і не самы чысты інструмент для вымярэння, рост папулярнасці заблакаванага сайта вырас на 20 %».
Пракапеня ўпэўнены, што блакаванне прывядзе да ўскладнення працы па расследаванні злачынстваў у інтэрнэце.
Дзяржава не зможа бачыць не толькі калі грамадзяне наведваюць заблакаваныя сайты, але і любыя іншыя. Вялікая колькасць аператыўна-вышуковых дзеянняў стане немагчымай. Калі раскрываць злачынствы стане складаней, злачыннасць можа вырасці.
Паводле Пракапені, у выпадку, калі сапраўды трэба будзе закрыць доступ да нейкіх сайтаў падчас нейкага «пажару», а большасць грамадзянаў выкарыстоўвае для доступу да інтэрнэту Тоr, закрыць доступ да гэтых старонак стане немагчыма.
Сёння старонкі могуць выкладваць увесь свой кантэнт у сацыяльных сетках. У выніку ўсё большая колькасць людзей пераходзіць у сацыяльныя сеткі для атрымання інфармацыі, што мае роўна супрацьлеглы эфект ад таго, што мае на ўвазе блакаванне сайта.
Паводое Пракапенені, шкода іміджу відавочная ўсім, пра яе нават няма сэнсу пісаць.
У апошні час мы прарабілі вялікую працу з амерыканскімі юрыстамі і лабістамі, каб разблакаваць аплатную сістэму PayPal ў Беларусі. Беларусы не могуць скарыстацца гэтай аплатнай сістэмай, у гэтым спісе мы побач з Зімбабвэ, Ліберыя і Паўночнай Карэяй.
Рaypal неабходны, каб маленькім кампаніям было лягчэй працаваць, а вялікія і так могуць працаваць праз свае філіялы. У выпадку працягу сітуацыі з блакаваннем сайтаў гэта немагчыма.
Праз некалькі тыдняў колькасць наведвання «Хартыі» вырасце, але гэтая наведвальнасць не будзе адлюстроўвацца ў справаздачах беларускіх правайдэраў, піша Пракапеня.
У сацыяльных сетках выказваюць меркаванні, што прэзідэнт асабіста аддаў загад аб блакаванні. Больш верагодным мне здаецца наступны сцэнар: нейкае ведамства паставіла свой інтарэс вышэй інтарэсаў дзяржавы. Атрымаць $ 100 тысяч на баланс свайго ведамства, калі дзяржава страціла 100 мільёнаў – гэта класіка жанру.
Можа прайсці ўсяго пару тыдняў, і колькасць наведванняў на заблакаваным сайце вырасце. Але гэтая наведвальнасць не будзе адлюстроўвацца ў справаздачах беларускіх правайдэраў. Затое гэтае ведамства зможа паведаміць пра тое, што па іх статыстыцы ніхто ў Беларусі заблакаваны сайт не наведвае. У выніку асобнае ведамства ў плюсе, а дзяржаве панесла значныя страты. Гэта тлумачэнне мне здаецца найбольш імаверным.
ДД