Прадстаўніку Беларусі на «Еўрабачанні-2016» Аляксандру Іванову, які выступае пад псеўданімам Ivan, арганізатары конкурсу дазволілі выйсці на сцэну ў суправаджэнні жывога ваўка. Пра гэта сёння паведамілі ў прадзюсарскім цэнтры Віктара Дробыша, які рыхтуе Ivanʼа да «Еўрабачання».
Мяркуецца, што беларускі спявак будзе выступаць голым у таварыстве жывога ваўка. Гэтая канцэпцыя будзе сімвалізаваць яднанне чалавека і прыроды. Прысутнасць звера падчас выканання песні ўжо ўзгодненая. Наколькі аголеным будзе выканаўца, стане вядома падчас самога выступу на паўфінале 12 траўня. Ivan будзе выступаць пад пятым нумарам.
МЯ, паводле telegraf.by
