Прадавачка на рынку ў Смалявічах: У выходныя бацькі прыходзяць з дзецьмі як на масавыя гулянні

Афіцыйна цяпер у Беларусі каронавірусам штодня заражаюцца амаль 1000 чалавек. У колькасці інфікаваных нашая краіна абагнала ўсіх суседзяў акрамя Расеі. Аднак далёка не ўсе беларусы вераць у сур’ёзнасць эпідэміі. У рэдакцыю «Белсату» звярнулася жыхарка Смалявічаў, якая працуе на мясцовым рынку, каб распавесці, як рэагуюць жыхары гораду на небяспеку, якую нясе COVID-19.

Паводле Людмілы (імя змененае), мясцовыя жыхары не вераць у небяспеку віруса. Шмат хто не трымаецца нават мінімальных захадаў бяспекі, да таго ж калегі і пакупнікі не заўсёды адэкватна рэагуюць на ейныя заўвагі. Спадарыня Людміла кажа, што заклікала адміністрацыю дапамагчы пільнаваць нашэнне масак. Аднак адказ быў такі: кожны сам мусіць пастанавіць, бо афіцыйнага загаду надзяваць маскі не было.

«У выходныя бацькі прыходзяць з дзецьмі на рынак як на масавыя гулянні. Большасць ігнаруе захады бяспекі. Я спрабавала з імі гаварыць, але яны ігнаруюць. Я ўжо і скандаліла, і чаго толькі ні рабіла, мяне ледзь не закапалі. Маўляў, кожны сам за сябе, што ты нам з гэтымі наморднікамі, як гаварыў Лукашэнка, лезеш. Давялося раздрукаваць з інтэрнэту фатаграфіі ды артыкулы пра каронавірус, але яны нават не хацелі чытаць, усе смяюцца».

«Усе панікуюць, асабліва пенсіянеры». Ці спраўляюцца Стоўбцы з пандэміяй?

Жанчына купляе маскі за свае грошы ды мяняе іх кожныя дзве гадзіны, спрабуючы засцерагчы сябе і пакупнікоў ад заражэння. Людміла выставіла стол ля крамы і трымае дыстанцыю з кліентамі некалькі метраў.

«Прыйшоў мужчына, пачаў абурацца, што ў краму не пускаю. Была пакупніца з бабуляй. Я кажу, што небяспечна са сталым чалавекам выходзіць, трэба яе берагчы. А дзяўчына – маўляў, трэба быць пазітыўным».

Кабета жыве каля шпіталю і кажа, што ўсё больш нарадаў хуткай дапамогі прывозяць пацыентаў у капсулах.

«Хочаш здохнуць – прыходзь у докшыцкую ЦРБ». Крык душы беларускай медсястры

Дальнабойнік прывёз каронавірус?

Яшчэ адна крыніца belsat.eu са Смалявічаў на ўмовах ананімнасці распавяла пра сітуацыі, калі хворыя асобы маглі заразіць іншых. Паводле нашага суразмоўцы, мясцовых жыхароў забіраюць у іншыя больніцы, бо скончыліся месцы. З дактароў узялі падпіску пра неразгалашэнне, таму ніхто не ведае, як насамрэч выглядае сітуацыя з COIVD-19 у горадзе.

«У адной тэрапеўткі дальнабойнік-сужыцель вярнуўся з паездкі. Хварэў, яна яго ўдома лячыла, а сама працавала, ездзіла на выклікі. Калі зусім яму кепска стала – забрала ў паліклініку, вадзіла па кабінетах. Аказалася – каронавірус. Колькі ён мог заразіць? А яна? Палову горада? Бог ведае. Пасля прыехала камісія, быў скандал. Сталі гаварыць, што не было каронавірусу. Але ж усе баяцца нешта распавядаць».

«Дзень сурка» ў медсясцёр: 4 гадзіны на вахце, 4 – на адпачынку, і гэтак цэлыя содні

Таксама чытач распавёў пра знаёмую, якая працавала ў шпіталі санітаркаю. Жанчына захварэла і прасіла адпусціць на бальнічны. Кіраўніцтва не пагаджалася, а пасля ў яе выявілі COVID-19.

На 29 красавіка ў Беларусі зарэгістравалі 13 181 выпадак каронавіруснай інфекцыі, што складае 7,8 % ад колькасці тэстаў. За содні колькасць інфікаваных павялічылася на 973 чалавекі. САЗ заклікала Беларусь да неадкладных дадатковых захадаў у барацьбе з COVID-19, у прыватнасці да фізічнага дыстанцыявання.

«Які вірус? Тут і так усе мёртвыя…» Як прайшла Радаўніца ў Горадні

ДР/ДЗ belsat.eu

Hавiны