Урад Польшчы вырашыў увесці санітарны кантроль, каб перадухіліць далейшы распаўсюд каронавіруса, заявіў прэм’ер-міністр Матэвуш Маравецкі.
Праверкі на мяжы з Нямеччынай пачнуцца ўжо сёння, 9 сакавіка. Польшча стане першай краінай у Еўропе, якая вырашыла ўвесці памежны санітарны кантроль праз небяспеку распаўсюду «кітайскага віруса».
Санітарны кантроль будзе ажыццяўляцца галоўным чынам у цягніках і аўтобусах. На польска-нямецкай мяжы будуць дзейнічаць чатыры пункты кантролю і яшчэ адзін на мяжы з Чэхіяй.
Паводле польскага прэмʼера, паўнавартасная інфраструктура кантрольных пунктаў паўстане цягам 2-3 дзён.
На кожным пункце санітарнага кантролю мае дзяжурыць хуткая дапамога, каб у выпадку неабходнасці можна было даставіць патэнцыйнага хворага на каронавірус у шпіталь.
10 сакавіка Польшча ўвядзе санітарны кантроль на мяжы з Беларуссю, Украінай і Расеяй.
ЮВ belsat.eu
