Польскі бок перадаў працаўніка ўкраінскага омбудсмана і намесніка кіраўніка УНА-УНСО Ігара Мазура генеральнаму консулу Украіны ў Любліне, паведаміла ўпаўнаважаная Вярхоўнай Рады ў правах чалавека Людміла Дзянісава.
«Кожны, хто займаецца пытаннямі вызвалення і вяртання на радзіму нашага грамадзяніна, прыкладае ўсе намаганні, каб ён не стаў закладнікам палітычнай помсты Расейскай Федэрацыі», – напісала Дзянісава.
Падчас чакання і разгляду запыту па экстрадыцыі Ігар Мазур будзе жыць на тэрыторыі кансулату.
Ігара Мазур – працаўнік апарату ўпаўнаважанага Вярхоўнай Рады па правах чалавека, намеснік кіраўніка УНА-УНСО, ветэран баявых дзеянняў у АТО, актыўны ўдзельнік Еўрамайдану. 9 лістапада яго затрымалі ў Польшчы па запыце Расеі ў Інтэрпол. Мазуру пагражала дэпартацыя.
Пасля гэтага МУС Украіны звярнулася да генсека Інтэрполу з заявай аб тым, што Расея выкарыстоўвае арганізацыю для палітычнага пераследу ўкраінцаў.
Віце-спікер польскага Сейма Малгажата Гасеўска паведаміла, што затрыманне Ігара Мазура звязанае выключна з тэхнічным выкананнем Польшчай міжнародных дамоваў, а выдаваць украінца ў Расею ніхто не збіраецца.
ДД belsat.eu