Цела 32-гадовага мужчыны знайшоў сусед 2 студзеня. Ён і патэлефанаваў у міліцыю. Дакладная прычына смерці высвятляецца.
Напярэдадні ўдома пінчук меў навагоднюю бяседу, выпіваў з сябрамі. Відавочна, знаёмыя вырашылі пажартаваць з яго і зачынілі ўнутры. Ключ пакінулі звонку ў замочнай шчыліне. Мужчына паспрабаваў выбрацца праз вакно веранды, але захрас у праёме, які быў завузкі з-за гарызантальных брускоў, што бароняць дом ад злодзеяў.
Судмедэксперты выявілі на спіне пацярпелага сінякі. Разглядаюцца дзве прычыны смерці: асфіксія з-за сціскання грудной клеткі, але хутчэй за ўсё ён проста замерз.
Нагадаем, на працягу гэтага тыдня ў Беларусі захаваецца марознае надворʼе, але завірухі не будзе.
Як перажыць нізкія тэмпературы – чытайце парады адмыслоўцаў.
ДР, belsat.eu