У Літве 12 траўня адбыўся першы тур прэзідэнцкіх выбараў.
Паводле інфармацыі Цэнтральнай выбарчай камісіі станам на 22:30, у другі тур праходзяць дзейны прэм’ер Саўлюс Скверняліс і эканаміст, беспартыйны кандыдат Гітанас Наўседа. Яны набіраюць адпаведна 31,12 % і 25,54 % галасоў. Кандыдатка ад кансерватараў Інгрыда Шыманіце, якой сацыялагічныя апытанні давалі найбольшыя шанцы на перамогу, атрымала падтрыманне 23,29 % выбарцаў.
Але раніцай панядзелка ЦВК агучыла ўжо іншыя вынікі. Па-першае, у Літве пройдзе другі тур, прызначаны на 26 траўня. Па-другое, лідарам першага тура стала Інгрыда Шыманіце з 30,95 % галасоў. На другім месцы апынуўся Гітанас Наўседа (30,94 %). А Саўлюс Скверняліс набраў толькі 19,85 %.
Астатнія шэсць кандыдатаў набіраюць разам 19,32 % галасоў.
Адначасова ў Літве прайшлі два рэферэндумы. Паводле інфармацыі ЦВК, 73,81 % выбарцаў падтрымалі дазвол падвойнага грамадзянства з краінамі, «адпаведнымі крытэрам абранай Літвой еўрапейскай і трансатлантычнай інтэграцыі».
Таксама 79,56 % літоўцаў падтрымалі скарачэнне колькасці дэпутатаў Сейму са 141 да 121.
МГ belsat.eu
