У Еўропе зафіксаваны першы выпадак смерці ад кітайскага каронавіруса COVID-2019. Пра гэта паведамляе французскае выданне BFM TV.
Як паведаміла кіраўніца Міністэрства салідарнасці ды здароўя Францыі Аньез Бузін, у краіне зарэгістраваная першая смерць чалавека, заражанага каронавірусам COVID-2019.
Памерлы – 80-гадовы турыст з кітайскай правінцыі Ху-Бэй, дзе знаходзіцца агмень віруса. У Францыі ён прыбыў 16 студзеня, а 25-га яго шпіталізавалі. Захворванне развівалася вельмі хутка, і апошнія дні ён знаходзіўся ў крытычным стане.
Аньез Бузін адзначыла, што гэтая смерць першая ад каронавіруса па-за межамі Азіі.
У Еўропе выпадку заражэння COVID-2019 таксама фіксаваліся ў Нямеччыне, Вялікай Брытаніі, Італіі, Іспаніі, Фінляндыі, Бельгіі ды Швецыі.
МГ belsat.eu
