Фэст інтэлектуальнай кнігі «Pradmova», які меўся адбыцца ў красавіку сёлета, адбудзецца 15-18 кастрычніка. Арганізатары імпрэзы перанеслі даты мерапрыемства з увагі на каронавірус.
Арганізатары фэсту інтэлектуальнай кнігі «Pradmova» запрашаюць на мерапрыемства 15-18 кастрычніка. Імпрэза адбудзеуцца ў Палацы мастацтва (вул. Казлова, 3).
Арганізатары фэсту не толькі захавалі папярэднюю праграму, але дапоўнілі яе новымі актуальнымі імпрэзамі, але поўную праграму апублікуюць на наступным тыдні.
Фэст «Pradmova» ладзіцца з 2018 году. Імпрэза з’яўляецца пляцоўкай для сустрэчаў з замежнымі і беларускімі літаратарамі, прэзентацыяў кніг, дыскусіяў на тэму філасофіі, гісторыі і літаратуры, уручэння прэміяй. Тут адбываюцца мастацкія выставы і кніжны кірмаш.
Мерапрыемствы сёлета будуць адбывацца таксама і ў анлайн фармаце. Уваход на кніжны кірмаш будзе вольны.
Інфармацыйным партнёрам фэсту «Pradmova» з’яўляецца наш тэлеканал.
СК belsat.eu
