Пераназваны расейскі танкер «Nika Spirit» арыштаваны паводле суда Украіны


Прыморскі раённы суд Адэсы пастанавіў арыштаваць расейскі танкер «Nika Spirit» разам з дакументамі, што былі канфіскаваныя падчас ператрусу. Танкер прыбыў у порт Ізмаіл Адэскай вобласці, яго затрымалі і пазней арыштавалі. Суд палічыў захады вайсковых пракурораў і следчых СБУ падчас правядзенні ператрусу правамернымі, паведамляе DW.com.

«Па выніках разгляду адпаведнага хадайніцтва судом накладзены арышт на судна разам з канфіскаванымі дакументамі. Мы гэта зрабілі. Кропка», – напісаў на сваёй старонцы ў сацсетцы Facebook галоўны вайсковы пракурор Украіны Анатоль Маціос.

Адпаведнасць міжнародным дамоўленасцям

Інфармацыю пра тое, што следчыя дзеянні, праведзеныя на судне супрацоўнікамі праваахоўных органаў Украіны без дазволу консула РФ, былі незаконнымі, Маціос назваў недакладнай.

З украінскага боку ўсё было зроблена законна, падкрэсліў галоўны вайсковы пракурор, спаслаючыся пры гэтым на міжнародныя дамовы, ратыфікаваныя і Расеяй, і Украінай. Паводле яго словаў, згодна з гэтымі дамовамі, для правядзення ва Украіне следчых дзеянняў на марскім або рачным транспарце не патрабуецца згоды або дазволу дыппрадстаўнікоў замежнай дзяржавы.

Перайменаванне не пазбаўляе ад адказнасці

Інцыдэнт з расейскім танкерам адбыўся 24 ліпеня, калі ў порт Ізмаіл пад сцягам РФ зайшоў танкер «Nika Spirit». Следства выявіла, што пасля інцыдэнту ў Керчанскай затоцы ў лістападзе летась уласнікі танкера перайменавалі яго з «Neyma» ў «Nika Spirit». Менавіта гэты танкер блакаваў пратоку дзеля праходжання ўкраінскіх вайсковых караблёў. У выніку тры караблі Расея тады арыштавала, пры гэтым назвала захады Кіева перадвыбарнай правакацыяй.

Пасля затрымання ўкраінцамі расейскага танкеру з боку экіпажу судна не было парушэнняў марскога права і законаў Украіны. Таму ўсіх маракоў – прадстаўнікоў экіпажу адпусцілі і яны вярнуліся ў Краснадар.

Канфлікт у Керчанскай пратоцы: што гэта было? 5 галоўных пытанняў і адказаў

СК belsat.eu

 

Глядзі таксама
Каментары