Навучэнец 11-га класа з Кобрына скончыў жыццё самагубствам, паведаміла прэс-служба УУС Берасцейскага аблвыканкаму. Трагедыя здарылася 14 студзеня ў доме па вуліцы Дружбы.
А 16.30 юнак скокнуў з балкона. З цялеснымі пашкоджаннямі хлопца даставілі ў цэнтральную раённую лякарню. А 22.40 школьнік памёр у рэанімацыйным аддзяленні.
Паводле папярэдняй версіі, хлопец здзейсніў самагубства. У мабільным тэлефоне загінулага выявілі паведамленне: «Даведаюся, ці існуе Бог, і паведамлю пра гэта».
У 2011-ым скончыў жыццё самагубствам бацька школьніка.