Удзельнікі грамадскага руху «Атрады Пуціна» знялі відэаролік з патрабаваннямі закрыць мэсэнджар Telegram.
На відэа бачна, як актывісты рвуць, паляць партрэты заснавальніка Telegram Паўла Дурава і выкрыкваюць праклёны.
«Дураў, супакойся! Інакш мы прыйдзем да цябе!», – кажа адна з жанчын.
Як паведамляе расейскае выданне «Сноб», рух «Атрады Пуціна», у шэрагах якога пенсіянеркі змагаюцца з апазіцыяй, заснаваны Маратам Дынаевым, які раней стварыў арганізацыю «Сацыяльная справядлівасць». У 2017 годзе яны зладзілі напад на штаб палітыка Аляксея Навальнага.
Нагадаем, што ў снежні 2017 года Telegram быў аштрафаваны на 800 тысяч рублёў за адмову перадаць ФСБ ключы шыфравання. 13 красавіка 2018 году суд пастанавіў заблакаваць мэсэнджар на тэрыторыі Расеі.
ГА, belsat.eu