Пажар у ваўкавыскай калоніі: трое вязняў шпіталізаваныя


На тэрыторыі папраўчай калоніі №11 у Ваўкавыску 11 лістапада адбыўся пажар, які быў ліквідаваны працаўнікам Міністэрства па надзвычайных сітуацыях.

Яшчэ да прыбыцця МНС з небяспечнай зоны былі выратаваныя двое мужчынаў.

«Першы атрымаў апёкі твару і рук, другі – атручэнне прадуктамі гарэння. Працаўнікамі МНС на падлозе пад сталом быў знойдзены і вынесены на свежае паветра трэці мужчына. Выратаваныя (адбываюць пакаранне ў ПК) дастаўлены ў раённую лякарню», – адзначаецца ў прэс-рэлізе МНС.

На месцы здарэння. Фота – mchs.gov.by

Паводле папярэдніх высноваў, прычына пажару – неасцярожнае абыходжанне з агнём. Паведамленне пра здарэнне ратавальнікі атрымалі а 09:09.

На месцы здарэння. Фота – mchs.gov.by

«Агнём пашкоджаны драўляныя каркасы для мяккіх крэслаў, закураны сцены і столь. Ратавальнікамі не дапушчаны выхад полымя на дах, будынкі, што знаходзяцца побач, таксама былі абаронены і не пашкоджаны», – адзначаюць ратавальнікі.

Зроблена за кратамі. Якія тавары і для каго вырабляюць беларускія зняволеныя?

ІІ belsat.eu

 

Глядзі таксама
Каментары