Пажар на Альманскіх балотах тушыць намеснік міністра лясной гаспадаркі


Самалёт Ан-2 Міністэрства надзвычайных сітуацыяў на тушэнні пажару ў Столінскім раёне

Аляксандр Кулік кіруе ліквідацыяй пажару на Альманскіх балотах, які працягваецца ўжо другі дзень.

Пажар каля вёскі Альманы тушаць больш за суткі, да тушэння падключылася авіяцыя МНС – верталёт Мі-8 і самалёт Ан-2. Таксама тут працуюць тры гусенічныя балотаходы. Агулам сюды сцягнутыя больш за 100 чалавек.

Афіцыйная прадстаўніца Мінлясгасу Настасся Дакучаева распавяла Tut.by, што паводле стану на 13-ю суботы плошча пажару склала каля 70 гектараў.

«Ліквідацыяй пажару кіруе першы намеснік міністра лясной гаспадаркі Аляксандр Кулік, які цяпер знаходзіцца на Палессі», – дадала Дакучаева.

Паводле спецыялістаў, тушыць пажар складана праз адсутнасць лясных дарогаў.

Неўзабаве тут з’явіцца аўтамабільная траса – дзеля гэтага Палескі лясгас раскопвае балоты экскаватарамі.

Альманскія балоты – найбуйнейшы ў Еўропе заказнік балотаў, які захаваўся да нашых дзён у некранутым стане.

ДД

Глядзі таксама
Каментары