Украінскі палітвязень Павел Грыб, якога расейскія ўлады вінавацяць у падрыхтоўцы тэракту, знаходзіцца ў крытычным стане. Пра гэта заявіла ўкраінская амбудсмэн Людміла Дзянісава.
Паводле Дзянісавай, 20-гадовы Грыб «знаходзіцца на мяжы жыцця і смерці». Яму тэрмінова патрэбная аперацыя на сэрцы, яго стан здароўя «звышкрытычны». Медыкі знайшлі ў Грыба шэраг цяжкіх захворванняў, але адміністрацыяй СІЗА ягоны стан здароўя ігнаруецца.
Дзянісава дадала, што палітвязня не забяспечваюць паўнавартасным медыкаментозным лячэннем і гэта спрыяе абвастрэння наяўных хваробаў. Таксама, негатыўны ўплываюць на яго стан здароўя жорсткія ўмовы ўтрымання, стрэсавыя сітуацыі і непаўнавартаснае харчаванне.
!!! ГРОМАДЯНИН УКРАЇНИ ПАВЛО ГРИБ, ЯКИЙ ПЕРЕБУВАЄ У РОСІЙСЬКІЙ КАТІВНІ, ЗНАХОДИТЬСЯ НА МЕЖІ ЖИТТЯ ТА СМЕРТІ…
Opublikowany przez Людмила Денісова Wtorek, 29 stycznia 2019
- 24 жніўня 2017 года Павел Грыб быў выкрадзеныў працаўнікам ФСБ у Гомлі, куды хлопец прыехаў, каб сустрэцца са знаёмай дзяўчынай. ФСБшнікі вывезлі яго ў Смаленскую вобласць. «Мне на галаву нацягнулі капюшон, пагрузілі ў мікрааўтобус і вывезлі ў лес. Білі па нагах і ў жывот, здымалі гэта на камеру; забралі дакументы і зваротны квіток. Потым павезлі ў нейкую спартовую залу. Памятаю, там была шведская сценка. Мяне гразіліся павесіць на яе дагары нагамі. Да рукаў прывязалі гіры. У прыбіральню вадзілі, але не давалі ні піць, ні есці. А ўжо потым – да следчага», – распавядаў украінец на судзе.
- Беларускі бок факт перасячэння Грыбам мяжы пацвердзіў і дадаў што ніякіх прэтэнзіяў да яго не ўзнікла, але звесткі пра выкраданне хлопца ў Гомлі ніяк не пракаментаваў. Пазней суд Краснадара паведаміў, што пастанова аб арышце Паўла Грыба была вынесена 17 кастрычніка (то бок да таго, як адбылося перасячэнне беларускай мяжы), ен быў у міжнародным вышуку паводле абвінавачвання ў тэрарызме. Цяпер 19-гадовы ўкраінец знаходзіцца ў краснадарскім СІЗА.
- Па версіі расейскіх спецслужбаў, 19-гадовы Павел Грыб, які быў звязаны з украінскімі нацыяналістамі, прапанаваў знаёмай дзяўчыне з Сочы падарваць бомбу на школьнай лінейцы. Украіна лічыць пераслед Грыба палітычным, а абвінавачванні сфабрыкаванымі.
- Еўразвяз прызнаў, што ФСБ незаконна выкраў Паўла Грыба.
ІІ, belsat.eu
