Не менш за 52 чалавек загінулі і яшчэ 37 пацярпелі ў выніку абрушэння залатога рудніка ў афрыканскім Чадзе. Пра гэта паведамляе AFP.
Абвальванне адбылося ў ноч з 23 на 24 верасня ў правінцыі Тыбэсці на поўначы краіны, каля мяжы з Лівіяй.
21 пацярпелы знаходзіцца ў цяжкім стане, таму колькасць загінулых можа павялічыцца. Таксама працягваецца пошукава-выратавальная аперацыя.
Нелегальныя руднікі ў Чадзе папулярныя як сярод бежанцаў з Судану, якія спрабуюць зарабіць сродкі на іміграцыю ў Еўропу, гэтак і сярод антыўрадавых паўстанцаў, адзначае Reuters.
МГ belsat.eu