Суд Фрунзенскага раёну Менску прысудзіў Паўлу Севярынцу штраф у 50 базавых за заклік на Плошчу 7 снежня, распавяла «Белсату» Таццяна Севярынец, маці палітыка. Раней Вольга Севярынец, жонка палітыка, паведаміла, што Паўла даставілі на Акрэсціна адбываць арышт за ўдзел у акцыях 7–8 снежня.
«У Фрунзенскі РАУС яго забралі з суду 5 снежня за паслявыбарчую акцыю, дзе склалі пратакол за заклік на Плошчу ў абарону незалежнасці. Суд быў толькі сёння», – распавяла Таццяна Севярынец.
Сёння палітыка затрымалі каля хаты. Праз некалькі гадзінаў стала вядома, што яго адправілі ў ізалятар на Акрэсціна адбываць 15-дзённы арышт, які яму 18 снежня прысудзіў суд Савецкага раёну Менску за ўдзел у акцыях 7–8 снежня ў цэнтры сталіцы (пасля суду апазіцыянера чамусьці адпусцілі).
ДД belsat.eu