Пашыньян: продаж Беларуссю зброі Азербайджану скажае сутнасць АДКБ

ВІДЭА

Нікол Пашыньян

Выконваючы абавязкі прэм’ер-міністра Арменіі Нікол Пашыньян пракаментаваў інфармацыю пра продаж Азербайджану новай партыі беларускай вайсковай тэхнікі.

«Наша пазіцыя вельмі ясная: мы асуджаем такія здзелкі, разглядаем гэтыя дзеянні як накіраваныя супраць нацыянальных інтарэсаў Рэспублікі Арменія, і лічым, што яны скажаюць сутнасць АДКБ… Мы павінны ўзаемна паразумецца», – цытуе Пашыньяна panarmenian.net.

Ён дадаў, што для ўсіх краінаў-чальцоў АДКБ мусіць быць зразумела, якія абавязкі яны маюць адзін перад адным і арганізацыяй.

«Мы цалкам выконваем нашы абавязкі, чаго, на жаль, не можам сказаць пра некаторых нашых партнёрах», – падкрэсліў Пашыньян.

Што тычацца сітуацыі ў беларуска-армянскіх стасунках, то кіраўнік ураду Арменіі адзначыў:

«Думаю, з армянскай боку рушыла ўслед рэакцыя на адказ прэс-сакратара МЗС Беларусі, я асабіста адказаў. Усё, што я сказаў, застанецца ў сіле».

Пашыньян дадаў, што запатрабуе тлумачэнняў як па ўжо згаданым, гэтак і па іншых пытаннях.

  • Сёлета Беларусь прадала Азербайджану найноўшую рэактыўную сістэму залпавага агню «Паланез». Гэта выклікала вялікую незадаволенасць Арменіі – праціўніка Азербайджану ў канфлікце ў Нагорным Карабаху. Прытым што Арменія і Беларусь – саюзнікі ў межах АДКБ. Учора прэзідэнт Азербайджану Ільхам Аліеў заявіў па выніках візіту ў Менск, што ў хуткім часе будзе падпісаны новы кантракт на пастаўка вайсковай тэхнікі з Беларусі.
  • Ерэван таксама крытыкуе Менск яшчэ і за парушэнне этыкету. 16 лістапада Нікол Пашыньян заявіў, што будзе патрабаваць тлумачэнняў ад Лукашэнкі, які абмяркоўваў сітуацыю ў АДКБ з амбасадарам Азербайджану.
    МЗС Беларусі рэзка адрэагаваў на гэтую заяву Пашыньяна. Прэсавы сакратар міністэрства Анатоль Глаз адзначыў, што армянскі лідар уявіў сябе, відаць, міжнародным пракурорам, упаўнаважаным караць або мілаваць. «Напэўна, спадар Пашыньян пакуль не зразумеў, што правілы так званай вулічнай дэмакратыі не прымальныя ў вялікай палітыцы», – падсумаваў ён. У адказ на гэта Пашыньян заявіў пра гатоўнасць абараніць нацыянальныя інтарэсы Арменіі. «Нашыя міжнародныя партнёры мусяць зафіксаваць, што такіх стасункаў, да якіх яны прывыклі дагэтуль, з Арменіяй больш не будзе», – падкрэсліў ён.

ІІ, belsat.eu

Глядзі таксама
Каментары